29-декабрдан баштап №146 муниципалдык автобустун жаңы каттамы ишке кирет. Бул тууралуу мэриядан билдиришти.
II Элдик Курултайда президент Садыр Жапаров Ош базарын, Батыш жана Чыгыш автобекеттерин шаардын сыртына көчүрүү тууралуу билдирген. Бул чаралар аймактардын экологиясын жакшыртууга жана унаа тыгындарын жоюуга жардам берет.
Каттамдын баштапкы аялдамасы — «Бишкек автобекети» (Алма-Ата – Айланма жол көчөлөрүнүн кесилиши), акыркы аялдамасы – Чоң-Арык айылы. Пландаштырылган чыгаруу 25 бирдик, ал эми кыймыл аралыгы 8-10 мүнөт болот. Жаңы №146 муниципалдык автобустук каттам Аламүдүн жана Орто-Сай базарларын камтыйт.