Ала-Бука чек ара отрядынын чек арачылары Өзбекстандын аймагына өтүп кеткен 20 жылкыны Кыргызстандын жаранына кайтарып беришти. Бул тууралуу УКМКнын Чек ара кызматынан билдиришти.
Маалыматка караганда, чек арачыларга Жалал-Абад облусунун Кош-Алмурут айылынын тургуну кайрылып, коңшу өлкөнүн аймагына өтүп кеткен 20 баш жылкысын кайтарууга жардам берүүнү суранган. Эки өлкөнүн чек ара өкүлдөрү телефон аркылуу байланышып, натыйжасында кыргызстандыктын 20 баш жылкысы кайтарылган.