Кыргызстанда чет өлкөлүк номур менен жүргөн унаалар мыйзамдаштырылып баштады. Бул тууралуу ИИМдин Жол кыймылынын коопсуздугун камсыздоо башкармалыгынан билдиришти.
Мыйзамдаштыруу 1-апрелден 1-октябрга чейин созулат. Муну мамлекеттик агенттиктин бардык аймактык бөлүмдөрүндө жасаса болот.
Кайсы документтер керек?
- аккредиттелген лаборатория тарабынан берилген транспорт каражатынын конструкциясынын коопсуздук сертификаты;
- фотофиксациясы бар визуалдык текшерүү үчүн транспорт каражаты;
- белгиленген формадагы арыз;
- өздүгүн тактаган документ;
- транспорт каражатын каттоо жөнүндө күбөлүк (эгерде бар болсо);
- транспорт каражатына менчик укугун ырастоочу документ (бар болсо);
- транспорт каражаты издөөдө эмес, күрөөгө коюлган эмес, үчүнчү жактар менен талаш-тартыштын предмети эмес, камакка алынбаганы жана такси катары пайдаланылбаганы жөнүндө милдеттенме;
- чек арадан өткөндүгү тууралуу күбөлүк. Ал жок болгон учурда транспорт каражатын ташып келүү күнү 2024-жылдын 31-декабры болуп эсептелет;
- 100 миң сом өлчөмүндө төлөнгөндүгү жөнүндө квитанция.
- Мыйзамдаштырылган унаа ээлерине 10-аймактын номурлары ыйгарылат.
-
Бул унаалар Кыргызстандын чегинен тышкары чыгарылбайт жана такси катары колдонулушу мүмкүн эмес.