Кечээ, 30-майда президент Садыр Жапаров иш сапары менен Түп районуна барган. Өлкө башчысынын келишин жергиликтүү тургундар видеого тартып алышкан. Видеодон Садыр Жапаровдун жол боюнда жергиликтүү бийлик өкүлдөрүн урушканы көрүнөт.
Ал эл алдына сүйлөп жатып, буга эмне себеп болгонун айтты.
«Түптүн борборунан өтүп келе жатсам, аткана бул жерде калсын. 3 ай мурун кыш кетти. Кышында жолго сепкен кум ошол бойдон жатат. Жол жээгиндеги таштандыны сурабагыла. Чочкокана болуп калыптыр. Токтоп алып сөгүш жарыялап, тазалагыла деп айтып келдим. Мен муну эмнеге айтып жатам. Пайдалангыла деп берсең, ошону да колдонгонду билбейбиз да. Сүйлөсөк, асмандын башын сүйлөйбүз», — деди ал.