Бүгүн, 24-августта Бишкек шаарынын Ленин районуна караштуу Чоң-Арык айылынын тоо тарабында куураган чөптөн өрт чыккан. Бул тууралуу ӨКМден билдиришти.
Өрттү өчүрүүгө жалпысынан 3 күжүрмөн эсеп жөнөтүлгөн. Мындан тышкары, 20 куткаруучу тартылган. Тоо боорундагы тилсиз жоо 14:30да чектөөгө алынып, учурда өрттү толук өчүрүү иштери жүргүзүлүүдө.
Өрттүн аянты болжол менен 4-5 гектарды түзөт.