Чүйдө курулуш дүкөнүнөн өрт чыкты. Бул тууралуу ӨКМден билдиришти.
Маалыматка караганда, Аламүдүн районунун Ак-Бата конушунуна жакын айланып өтмө унаа жолунда жайгашкан курулуш дүкөнүнүн ичинде 300 куб тактай, устундар күйгөн. Өрткө чыгуу убактысы: 04:20, жетүү убактысы: 04:28. Өрт саат 05:36да чектөөгө алынып, 10:19да толук өчүрүлгөн. Өрттүн келип чыгуу себеби такталууда, жабыркагандар жок.
