Чүйдө куткаруучулар буту сынган аялды тоодон түшүрүштү. Бул тууралуу ӨКМден билдиришти.
2-апрелде Аламүдүн районуна караштуу Байгелди айылына жакын тоого жолдошу менен эс алганы барган 49 жаштагы аял бутун сындырып алган. Жаранга жардам көрсөтүү үчүн жерине Аламүдүн райондук ӨК бөлүмүнүн 4 куткаруучусу тартылган. Адистер куткаруу шаймандарынын жардамы менен жабыркаган аялды тоодон алып түшүп, Тез жардам кызматына өткөрүп беришкен. Учурда абалы туруктуу.
