Депутат Айгүл Айдарова Жогорку Кеңеште суроо берейин деп жатканда маданият министри Алтынбек Максутов ордунан туруп, жыйындар залынан чыгып кеткен. Бул көрүнүшкө депутат айым ачууланып, тоотпостук катары кабыл алганын айтты.
Вице-спикер министр жыйындан суранып чыкканын кайра келерин айтып, министрдин орун басарына суроо берип турууну сунуштады. Айдарова ага көнгөн жок. “Муну кандай түшүнсө болот? Өзү айда-жылда бир келет, анда да басып кетет. “Баары бир кабыл аласыңар да” деген ойдо кетип калдыбы”, — деп катуу сүйлөдү.
Вице-спикер министрдин дааратканага чыкканын айтууга мажбур болду. «Ачыгын айтайын, дааратканага суранып чыкты» деди ал.