Сууда сүзүү боюнча Кыргызстандын курама командасынын мүчөсү Денис Петрашов Токиодогу Олимпиада оюндарында Кыргызстандын жаңы рекордун койду.
24-июлда кыргызстандык 100 метр аралыкка брасс ыкмасы менен сүздү. Петрашов төртүнчү топ менен старт алып, 1 мүнөт 0,23 секунд жыйынтыгы менен 3-орунда келди. Бул жыйынтык Кыргызстан үчүн ушул аралыкта жаңы рекорд болуп калды.
Буга чейин өлкөнүн рекорду 1 мүнөт 0,94 секундду түзүп, Денис Петрашовго таандык болгон, ал 2019-жылы жайында Олимпиадага жолдомо утуп алганда Дүйнөлүк суу спорту боюнча чемпионатка катышкан. Токиодо брасс ыкмасы менен 100 метр аралыкта Денис Петрашов 27-орунду ээлеп, жарым финалга чыга алган жок.