Билим берүү министри Каныбек Иманалиев жаңы кызматка келгенде бала бакчаларда акча чогултууну токтотом деп айтканын депутат Айбек Осмонов Жогорку Кеңештин жыйынында эске салды.
Депутат бала бакчаларда ар бир ата-энеден ар кандай чыгымдар үчүн 200-300 сомдон чогултулуп жатканын айтты. «Бирок бала бакчалардагы тазалык, коопсуздук жана башка санитардык иштерге акча бөлүнбөсө, кантип токтойт. Ар бир ата-энеден 200-300 сомдон чогултуп, чыгашаларын жабат. Мен Ош шаарын айтып жатам. Буга мамлекет акча бөлүшү керек. Аларды жергиликтүү бийлик бөлүп бере албайт экен. Өзүлөрүнүн казынасы тартыш экен», — деди Осмонов президенттин жана министрлер кабинетинин Жогорку Кеңештеги өкүлү Алмас Абытовго.