Депутат Икрамов: «1973-жылы чыгарылган рентгенди колдонушат. Жаңысын коюп беришсин»

Депутат Тазабек Икрамов Жогорку Кеңештин 30-майдагы жалпы жыйынында оптимизациянын натыйжасында Ош облустар аралык кургак учукка каршы балдар ооруканасында орундардын саны кыскартылганын билдирди. Анын айтымында, ооруканада 1973-жылы чыгарылган рентген аппараты эскирип, иштөөгө тоскоолдук жаратууда. Депутат маселени көзөмөлгө алып, жабдыктарды жаңыртууну суранды.