Дүйнөдө коронавирустун «омикрон» штаммынын жаңы түрү «кентавр» жайылууда. Бул тууралуу республикалык ыкчам штабдан билдиришти.
«Алгачкы ирет бул түрдү Индияда аныкташкан, бирок вирус башка өлкөлөргө — Улуу Британия, АКШ, Австралия, Германия, Канадага жана азыр Орусияга тез өтүп кеткен. COVID-19дун бул варианты адам өлүмү учурларынын төмөндүгү менен айырмаланат. Оорулардын алдын алуу жана көзөмөлдөө боюнча Европа борборунда «кентавр» штаммы көзөмөлдө турат. Бул илимпоздор вирустун жайылуу коркунучу жана кооптуулугу жөнүндө тыянак чыгарууга шашылбай турганын билдирет»,- деп айтылат маалыматта.
«Кентаврдын» белгилери:
- дене табынын жогорулашы;
- алсыздык;
- булчуңдар, баш, ашказан ооруйт;
- жыт сезүү бузулбайт;
- дем алуу органдары көбүрөөк жабыркайт, бирок пневмония көп болбойт.