Бүгүн, 6-февралда Эсептөө палатасынын Кеңешинин отурумунда аудитор Азамат Раматилаев 2023-жылдын Саламаттыкты сактоо министрлиги жана анын ведомстволук мекемелеринин бюджетинин аткарылышы боюнча шайкештик аудитинин жыйынтыктарын баяндады.
Аудитор Саламаттыкты сактоо министрлиги жана анын ведомстволук мекемелеринде эмгек акы төлөө, мамлекеттик сатып алууларды жүргүзүү, товардык материалдык баалулуктардын эсебинин толуктугун камсыздоо жана башка иштериенде олуттуу шайкеш келбестиктер орун алганын белгиледи. Аудиттин жыйынтыгы боюнча жалпы бузуулардын суммасы 3 миллион 161 миң 353 сомду түзүп, анын ичинен:
Процедуралык бузуулар: 2 миллион 341 миң 617,5 сом;
Финансылык бузуулар: 819 миң 735 сом аныкталып,
Анын ичинен:
Бюджетти аткарууда – 561 миң 186 сом;
Мүлктү пайдаланууда – 4 552,70 миң сом;
Эсеп жана отчеттуулук тартибинде – 151 миң 505 сом;
Товарларды, жумуштарды жана кызмат көрсөтүүлөрдү сатып алууда – 102 миң 492 сом.
Ал эми 819 миң 735 сом каржылык бузуулардын ичинен 114 миң 452 миң сом калыбына келтирилүүгө тийиш болсо, аудиттин жүрүшүндө 111 миң 157 сом же 97,12% калыбына келтирилген.
Отчет Эсептөө палатасынын Кеңешинин отурумунда бекитилип, тиешелүү мамлекеттик мекемелерге жазма буйрук жана сунуштама жиберилди.
