Кечээ, 21-январда Катарда Кыргызстандын футбол боюнча курамасы — “Ак шумкарлар” менен Сауд Арабиянын “Жашыл шумкарлары” оюн көрсөтүштү. Оюнда Кыргызстандын курамасынын 2 оюнчусу — Айзар Акматов менен Кими Мерк кызыл айып кагазын алып, оюндан чыгып калды. Оюн 0:2 эсебинде Сауд Арабиянын жеңиши менен аяктады.
Кыргыз курамасынын жеңилгенине карабай колдогон күйөрмандардын видеосу тарады. Андан шоумен Актан Рыскелдиевдин футболчу Александр Мищенкону алкап жатканын көрүүгө болот.
