Кыргыз мамлекети жана Өзбекстандын президенттери ортосунда жетишилген макулдашуулардын алкагында Бишкекке кезектеги гуманитардык жүк келди. Бул тууралуу өкмөттүн маалымат кызматынан билдиришти.
Гуманитардык жүктү кабыл алуу аземине вице-премьер Эльвира Сурабалдиева, саламаттыкты сактоо министри Алымкадыр Бейшеналиев жана Өзбекстандын Кыргыз Республикасындагы элчиси Хуршид Мирзахидов катышты. Анда Сурабалдиева өзбек тарапка COVID-19 илдетине каршы күрөшүү боюнча чаралардын алкагында көрсөтүлгөн көмөгү үчүн ыраазычылык билдирди.
Медициналык жүктө төмөндөгүлөр бар:
бир жолку кол каптар – 100 миң даана;
бир жолку коргоочу комбинезондор – 10 миң даана;
коргоочу көз айнектер – 2 миң даана;
бир жолку бет каптар – 100 миң даана;
«Гепарин» 5 миллилитр – 1 миң куту;
«Ремдесевир» – 5 миң упаковка;
COVID-19 вирусунун алдын алуу үчүн медициналык топтом – 10 миң даана;
COVID-19 вирусун аныктоо үчүн тест – 10 миң даана;
натрий хлор 100 миллилитр – 4 миң даана;
бир жолку шприцтер – 60 миң даана;
тамчылатуучу тутумдар – 20 миң даана.
