Социалдык тармактарда бутунан жаракат алган кичинекей кыздын сүрөтү тарап, ар кандай билдирүүлөр жазылып жатат. Сүрөттүн Оштогу Какыр айылында тартылганын, анда кызды ит тиштегенин жазышкан. Ал эми жергиликтүү пабликтер сүрөттүн Ысык-Көлдүн Саруу айылында тартылганын, кызды ит тиштегени айтылган.
СЕРЕП МЕДИА маалымат агенттиги окуя боюнча Ысык-Көл ОИИБге кайрылганыбызда, окуя Казакстандын Шымкент шаарында болгонун билдиришти. Казак ЖМКларынын маалыматы боюнча кырсык 21-сентябрда болгон. Анда КамАЗ-5320 үлгүсүндөгү унаа кызды сүзүп кеткен. Окуянын кесепетинен кызга эки буту сынган деген диагноз коюлуп, жандандыруу бөлүмүнө жаткырылган. Учурда Шымкент шаарынын полициясы тарабынан тергөө иштери жүрүп жатат.
