Бүгүн, 14-апрелде Жогорку Кеңештин комитет жыйынында депутат Жанар Акаев Орусияда жөрмөлөгөн мигранттар боюнча маселе көтөрдү.
«Такси айдаган, ашпозчу болуп иштеген мекендештерибизди мончодо жөн эле эс алып жаткан жеринен суроо-сопуту жок эле жапайычылык, зөөкүрчүлүк менен сабап, жөрмөлөтүп, ошол жерде кордоду. «Жарым килограмм ачуу калемпир» жедирди дейт. Эмнеге десе «Силер бизге жакпайсыңар» дешиптир. Бул эмне деген? Ким эмне реакция кылды. Элчини чакыргыла да«,- деди ал.
- Буга чейин социалдык тармактарда Орусияда күч органдары эркек кишилерди жөрмөлөткөн видео тараган. Маалыматка караганда, видео Москвадагы мончодо тартылган.
- Тышкы иштер министрлиги маалымат берип, Кыргыз Республикасынын жарандары документтерин текшерүү жана Орусиянын аймагында мыйзамдуу жүргөнүн аныктоо максатында Москва шаарынын Тимирязев РИИБге жеткирилгенин билдирген. Ошондой эле бул ишти Тышкы иштер министрлиги жана элчилик көзөмөлгө алган.
- Бүгүн, 14-апрелде ТИМ маалымат берип, Орусиянын Кыргызстандагы элчисине нота тапшырылганын айтты.