УКМКнын Ысык-Көл облусу боюнча башкармалыгынын Жети-Өгүз райондук бөлүмүнүн жаңы имараты ачылды. Бул тууралуу УКМКдан билдиришти.
14-августта Кызыл-Суу айылында УКМКнын Ысык-Көл облусу боюнча башкармалыгынын Жети-Өгүз райондук бөлүмүнүн имаратынын ачылыш аземи болуп өттү. Имаратты Камчыбек Ташиев салтанаттуу түрдө ачты. Ачылыш аземге президенттин Ысык-Көл облусундагы ыйгарым укуктуу өкүлү, Ысык-Көл облусунун Жети-Өгүз районунун акими, Башкармалыктын өздүк курамы жана ошондой эле аппараттын кызматкерлери, ошондой эле улуттук коопсуздук органдарынын ардагерлери катышты.
Жаңы имарат кызматкерлер үчүн бардык заманбап талаптарга жооп берген керектүү шарттар менен толук жабдылган. Ташиев кызматкерлерди куттуктап, УКМКнын кызматкерлери мындан ары да республиканын бардык облустарында жана райондорунда өз милдеттерин натыйжалуу аткаруу үчүн шарттар түзүлө берерин белгиледи.
