Камчы Көлбаевдин унааларын сатып алам деген кардар чыкпай жатат

Камчы Көлбаевдин сатыкка коюлган унааларына кардар чыккан эмес. Бул тууралуу журналисттерге Мамлекеттик мүлктү башкаруу боюнча мамлекеттик агенттиктен билдиришти. 

Аукцион эки жолу жарыяланып, бул аралыкта бир дагы сунуш түшкөн эмес. Эми дагы бир аукцион болобу же жокпу деген маселе чечилип жатат.

Мамлекеттик мүлктү башкаруу боюнча мамлекеттик агенттик 6 унааны сатуу боюнча электрондук аукцион жарыялаган. «Бул унаалар Камчыбек Асанбектин (Камчы Көлбаев) үй-бүлөсүнө мүлктү мамлекеттин пайдасына бекер берүү келишиминин негизинде өткөрүп берилген», — дешкен.

Сунуштаган баштапкы баа:

2021-жылкы BMW Alpina XB7 — 18 миллион сом;

2019-жылкы Hyundai Genesis — 2,8 миллион сом;

2019-жылы Kia Rio X-Line — 1,15 миллион сом;

2017-жылкы Mercedes-Benz S600 — 25,5 миллион сом;

2013-жылкы Mercedes-Benz G500 — 5,4 миллион сом;

2005-жылкы Toyota Land Cruiser Prado — 1,25 миллион сом.