УКМКнын төрагасы Камчыбек Ташиев жиу-житсу боюнча Дүйнө чемпиондугунда 1-орунга ээ болгон УКМКнын кызматкерине “Эрдик” төш белгисин тапшырды. Бул тууралуу УКМКдан билдиришти.
Бүгүн, 15-ноябрда Камчыбек Ташиев жиу-житсу боюнча Дүйнө чемпиондугунда 1-орунга ээ болгон УКМКнын 9-кызматынын кызматкери менен жолугушуу өткөрдү. Анда Камчыбек Ташиев жеңүүчүнү куттуктап, мындай утуштар кыргыз эли үчүн зор мааниге ээ экенин белгиледи. Ошондой эле төрага, спорт чемпиондорунун ийгиликтүү жеңиши жаштарды патриоттуу болууга үйрөтөрүн, андыктан мамлекет спортчулар үчүн тийиштүү шарттарды түзүп берүүнү улантаарын кошумчалады.
Өз кезегинде УКМКнын кызматкери Камчыбек Ташиевге колдоосу үчүн ыраазычылык билдирип, мындан ары да спорт жаатында ийгиликтерди жаратууга аракеттенерин убадалады.
