Кечээ, 19-апрелде УКМКнын төрагасы Камчыбек Ташиев Сузак районунун Барпы жергесинде 5000ге чукул орозо кармаган мусулмандарга ооз ачыруу өткөрдү. Бул тууралуу соцтармак колдонуучулары жазышты.
Ооз ачууга Сузак районунун жана Жалал-Абад шаарынын тургундары да чакырылган. Дин аалымдары тарабынан Орозонун пазилеттери тууралуу баян айтылып, жалпы өткөн момун-мусулмандарга арналып куран окулган. Камчыбек Ташиев чогулган элге сөз сүйлөп, кирип келген Орозо Айт майрамы менен куттуктап, президент Садыр Жапаровдун саламын жеткирген.
