Президенттин Иш башкаруучусу Каныбек Туманбаев Кант шаарына 2160 батирден турган мамлекеттик ипотекалык турак жай комплекси курулуп башталганын социалдык тармактардагы баракчасына жазды.
Маалыматка ылайык, турак жай 72 блоктон турган 5 кабаттуу комплекс 2 160 батирден турат. Анын жалпы аянты 27,8 гектарды түзөт. Комплексте 750 орундуу заманбап мектеп, 280 орундуу бала бакча, ТЖКнын өзүнүн отканасы, 1 290 унаага ылайыкташкан унаа токтотуучу жай, экологиялык таза электроэнергия үчүн күн панелдери, суу бөлгүч кудук жана тазалоочу курулмалар – жашоочулардын ыңгайы үчүн шарт түзөт.
