Буга чейин социалдык тармактын колдонуучусу балдардын жарамазанды аткарган видеосу менен бөлүшкөн. «Жарамазанды ушинтип ырдайт, көчөдө эмес, үйлөрдө. Бул видеону көргөн балдар үлгү алышат деп үмүттөнөм», — деп жазган ал.
Видеодо ырдап жаткан бала көпчүлүктүн мактоосуна ээ болду. СЕРЕП МЕДИА маалымат агенттигине видеонун Бакай-Ата районунун Үрмарал айылында тартылганы маалым болду. Агасынын айтымында, видеодогу анын 5-класста окуган иниси Бакыткелди Кененбеков.
«Иним 2011-жылы туулган. Учурда 5-класстын окуучусу. Аккордеонду агайынан үйрөнгөн. Атам да жакшы ырдайт. Иним кичине кезинен эле жакшы ырдайт. Рыспай Абдыкадыровдун 80 жылдык мааракесине карата өспүрүмдөр арасындагы сынакта 1-орунду алып келген. Жарамазанды быйыл эле айтып жатат», — деди агасы.
