Кичинекейлер сүйүп көргөн «Dbillions» Youtube-каналы «Көчмөндөрдүн жери болгон Кыргызстанга кош кел» деген аталыштагы видео жарыялады.
«Бүт дүйнөдөгү биздин бардык досторго салам! Сиздер дайыма Ча-Ча, Чики, Ля-Ля жана Бум-Бум каяктан экендигине жана кайда жашарына кызыгып келгенсиздер. Алар Кыргызстандан! «Кыргызстан боюнча саякат кылуу тууралуу влог» деген саундтректен биздин мекенибиздин кереметин сезиңиздер» деп жазылат видеодо.
Ошондой эле аталган Youtube-каналдын катталуучуларынын саны 30 миллионго жеткени кабарланган.
