Быйыл кыргыз милициясынын түзүлгөнүнө 100 жыл толду. Буга байланыштуу Жалал-Абад ОИИБдин башчысы Марлис Асановдун демилгеси жана колдоосу менен «Тартип сакчылары» аттуу музыкалык клип тартылды. Бул тууралуу Жалал-Абад ШИИБден билдиришти.
Бул клипте милиция кызматкерлеринин кылмыштарды жана укук бузууларды алдын алуу жана болтурбоо, тергөө аракеттеринин жүрүшү, коомдук тартипти сактоо, шаар тургундарынын жана конокторунун коопсуздугун камсыз кылуу боюнча өтөгөн кызматы көрсөтүлгөн.
