Кыргызстандын аймагына 70 миң тонна ак кантты жана чийки камыш кумшекерин бажы алымсыз ташып келүү каралууда. Бул тууралуу Айыл чарба министрлигинен билдиришти.
«Айыл чарба министрлиги тарабынан «Азык-түлүк коопсуздугу боюнча чаралар жөнүндө» Министрлер кабинетинин токтомунун долбоору иштелип чыкты, анда министрлер кабинетинин 2021-жылдын 12-июлундагы № 71 токтомуна туруктуу мүнөздөгү ак жана чийки кантты Кыргыз Республикасынын аймагына салымсыз ташып келүү көлөмүн бөлүштүрүү эрежелерине өзгөртүүлөр жана толуктоолор киргизилген. 2022-жылдын январь айынын аягынан тарта ак кантты жана чийки кантты алымсыз ташып келүү көлөмү арыз ээлери арасында бөлүштүрүлөт деп болжолдонууда», — деп айтылат маалыматта.