Кыргызстан менен Тажикстан жаңы жылга чейин чек ара маселелерин чечүүнү пландоодо. Бул тууралуу “Жакырчылык жана теңсиздик” улуттук өнүктүрүү форумунда министрлер кабинетинин башчысы Акылбек Жапаров билдирди.
Ал быйыл Өзбекстан менен чек араны делимитациялоо иштери толугу менен аяктаганын эске салды.
«Биз жаңы жылга чейин чек ара маселеси чечилди деп кабарлоо үчүн Кыргызстан менен Тажикстандын президенттеринин тапшырмаларынын үстүндө иштеп жатабыз», — деди Акылбек Жапаров.