Кыргызстандык Анара Мурзакулова орусиялык көңүл ачуучу «Пятница» каналында популярдуу болгон «Кондитер» теледолбоорунун бешинчи сезонунун суперфиналына өттү. Бул телеканалдын эфиринде белгилүү болду.
34 жаштагы кыргызстандык айым кастингден өтүп, телешоуго катышты. Долбоордо ал кыргыздын улуттук кийимин кийген кыздын фигурасы жана комуз менен торт тартуулады. Торт эки кабаттан жана кош толтуруудан турат — шоколад креми бар капучино.
Алдыңкы орусиялык кондитер Ренат Агзамов торттун даамын татып көрүп, калыстар тобунун башка мүчөлөрү сыяктуу мактады.
«Калыстар тобунун үч мүчөсү татып көрүүдөн ырахат алышты. Айтайын дегеним, бул Кондитер долбоорунун бардык беш мезгилинде эң даамдуу шоколад тортторунун бири. Бул жүз пайыз даяр толтуруу. Эгерде сиз мага рецепт берсеңиз, мен аны азыр деле, бүгүн деле менин премиум дүкөндөрүмдө сатууну баштагым келет. Бул сатууга даяр коммерциялык рецепт. Анара, сен мыктысың, хитсиң, генийсиң. Сиз финалдасиз”, — деди Ренат Агзамов.
Финалда алты катышуучу жылдыздуу кардар үчүн алачык (избушка) түрүндө торт даярдашы керек болчу. Анара тортту алачык түрүндө эмес, тоо формасында жана жанында отурган адамдарды жасаган. Торттун даамы Медведева менен Агзамовго жакты. Жыйынтыгында Анара Мурзакулова суперфиналга өттү. Эми кыргызстандык 1 миллион рубль байге жанаОрусиянын башкы улуттук кондитери наамы үчүн ат салышат.
