Министрлер кабинети кумшекерди жана чийки камыш кантты өлкөдөн алып чыгууга алты айлык мөөнөткө убактылуу тыюу салуу киргизди. Тиешелүү чечим Министрлер кабинетинин кезектеги жыйынында кабыл алынды.
Токтом Кыргыз Республикасынын аймагынан кумшекерди массалык түрдө экспорттоо мүмкүнчүлүгүн жокко чыгаруу, өлкөнүн азык-түлүк коопсуздугун камсыз кылуу жана кант рыногунда бааны кармап туруу максатында иштелип чыккан.