«Ынтымак» фракциясынын лидери Марлен Маматалиев Бишкек шаарынын Биринчи Май районунда салына турган спорт залдын курулушуна карата даярдык иштеринин жүрүшү менен таанышты. Бул тууралуу Жогорку Кеңештен маалымдашты.
Калыс-Ордо конушунда спорт залдын курулушу үчүн жер тилкеси бөлүнүп берилген. Аталган жайда спорттун ар кандай түрлөрү боюнча машыгуулар өткөрүлүп, бирок негизги басым самбого жасалмакчы. Учурда долбоордук-сметалык документ иштери даярдалууда.
Сергек муунду тарбиялоо үчүн спортту колдоо маанилүү экенин белгилеген депутат Марлен Маматалиев: «Жаңы конуштардагы спорттук объектилер жаштардын адеп-ахлактык жана физикалык сапаттарын өнүктүрүүгө, аларга баалуулуктарды сиңирүүгө жардам берет. Ошондой эле мекенчилдикке тарбиялоого өбөлгө болот. Бул өз кезегинде жалпы өлкөнүн гүлдөп-өнүгүшү үчүн бардык шарттарды түзөт», — деди.
