Бишкек мэриясы Казакстандын Кыргызстандагы элчилиги менен биргеликте «Манас» аэропортуна мажбур келип жаткан Казак жарандарын тосуп алууну уюштуруу боюнча иш алып барууда.
Шаар башкармалыгынан маалымдашкандай, 8-январга караган түнү 32 Казак жаранын тосуп алышып, аларды «Достук» мейманканасына жайгаштырышкан. Мэрия менен элчилик аларды мейманканадан ары «Ак-Жол» өткөрүү пунктуна жеткирүүгө даярданышууда. Азыркы тапта «Манас» аэропортунда дагы башка учуп келе турган Казак жарандарын тосуп алуу үчүн автобустар уюштурулду.