Мектеп автобусундагы кырсыктан жабыркаган бир бала комада жатат. Бул тууралуу журналисттерге Шаардык балдар ооруканасынын башкы дарыгери Акылбек Маманов билдирди.
Баланын абалы оор, эс-учун жоготкон абалда жандандыруу бөлүмүндө жатат.
20-апрелде Аэропорт — Бишкек жолунда жол кырсык катталганын, окуучулар бара жаткан автобусту GoBus маршруткасы сүзгөнү маалым болгон. Окуя боюнча Саламаттыкты сактоо министрлиги маалымат таратып, жабыркагандардын саны 16 адам экенин билдиришкен. Саат 15:00гө карата жол кырсыгынын кесепетинен жабыркап, саламаттыкты сактоо уюмуна жаткырылгандардын жалпы саны 21 адамды түзгөн (20 бала жана 1 чоң адам).
Ошол күнү SuperTV телеканалы ооруканага барып, балдардын абалы менен таанышып келген.
