«Манас» эл аралык аэропорту эми «Кыргызстан аэропорттору» болуп өзгөрдү. Бул тууралуу аэропорттун басма сөз кызматынан кабарлашты.
«Бул аталыш ачык акционердик коомго гана тиешелүү, ал эми өлкөнүн борборундагы башкы аба майданы «Манас» эл аралык аэропорту деп аталып кала берет. Мындай өзгөртүү өлкөнүн бардык аэропортторун бир бренддин алдына бириктирүү, өнүктүрүү боюнча мекемебиздин стратегиялык багытын чагылдырат», — деп жазылат маалыматта.