УКМКнын төрагасы Камчыбек Ташиев издөө жарыяланган ишкер Азим Рой Кыргызстанга келгенде президент Садыр Жапаров кабыл алганын айтты.
«Мен да кабыл алгам. Ал ошондо криминалдык жүрүш-турушумду токтоттум деген. «Мен инвестормун, акчам бар» деген. Президент да «мыйзам бузбагыла, элге тийишпегиле» деген. Анан эмне болду. Мына ошондон бери 2 жыл өттү. Ал Кыргызстанга завод эмес, камок салган жок. Кайрадан элди тоноо, тартып алуу иштерин баштады. Биз ага чара көрдүк. Бизге андай инвестор кереги жок. Мыйзам алдында жооп берет», — деди ал.