Министр депутатка: «Жумуртканы мен өндүрбөйм, тоок тууйт»

“Ата-Журт Кыргызстан” парламенттик фракциясынын “Мекенчил” депутаттык тобунун жыйында депутат Шайлообек Атазов айыл чарба министри Аскарбек Жаныбековго «Жогоруда тукум өндүрөм деп айттыңыз, тукумду кантип өндүрөсүз?» деген суроо салды.

«Жумуртканы мен өндүрбөйм, жумуртканы тоок тууйт»,- деди.

Жаныбековдун айтымында, Кыргызстанда жумуртка өндүрүүнүн өсүшү фабрикалардагы тооктордун санынын көбөйүшүнө байланыштуу. Өлкөдө 4 чоң тоок фабрикасы бар, ал эми орточо фабрикалар баш-аягы 20дан ашат.