Москвада Кыргыз жараны полиция кызматкерине кол көтөрүп, тырмагы менен тытып, погондорун жулуп алган. Бул тууралуу Baza-Telegram каналы жазды.
Жабырлануучу полициянын капитаны экени маалым болду. Дарыгерлер полиция аялдын алаканы сыйрылганы жана денесинде бир нече майда тактар бар экенин аныкташкан. Маалыматка караганда, 13-февралда Кыргыз жараны Орусиянын Ички иштер министрлигинин Головин району боюнча башкармалыгына жеткирилген. Анын каттоосу жок экени белгилүү болгон. «Бөлүмдө 33 жаштагы аялдын манжа издери алынып, сүрөткө түшүшү керек болгон. Ал жерден капитан жоолугун чечүүнү талап кылган», — деп жазат Baza.
Кыргыз жараны диний себептерден улам жоолугун чечүүдөн баш тарткан. Полиция кыргыз аялдын жоолугун жулуп алуу үчүн колун сунганда ага жооп катары аны бир нече жолу уруп, тытып, погондорун жулуп салган. Кыргызстандык аялга карата административдик укук бузуу боюнча протокол түзүлгөн.