Париж Олимпиадасынын бокс боюнча күмүш байгесинин ээси Мунарбек Сейитбек уулу III даражадагы «Манас» ордени менен сыйланды. Жарлыкка президент Садыр Жапаров кол койду.
Маалыматка ылайык, спортчунун машыктыруучусу Беганас Султанбаев «Даңк» ордени менен сыйланды.
Эске салсак, Беганас Султанбаев Париж Олимпиада оюндарына машыктыруучу катары барбай калган. Анын үйүндө отуруп Мунарбек Сейитбек уулуна колдоо көрсөткөн видеосу тарап, коомчулукта талкуу болгон.