Мүмкүн болгондун баарын кыскартып жатабыз, ошондуктан Жогорку Кеңешке министрликтен кайрылуулар түшүп жатат. Бул тууралуу финансы министри Алмаз Бакетаев 5-декабрда парламенттин Бюджет комитетинин жыйынында билдирди.
«Сиздер акыркы кварталда мамлекеттик кызматкерлердин үстөк акыларын азайттыңыздар. Дагы эмнеден үнөмдөйсүңөр?» – деп сурады депутат Эльвира Сурабалдиева.
«Премияны эле эмес, чындыгында бардыгын кыскартып жатабыз», — деп жооп берди министр.
«Сиздер кагазды да үнөмдөп жатасызбы?» — деп сурады Сурабалдиева.
«Кагазды да», — деп жооп берди министр.