Мырзалардын комуз, аккордеондун коштоосунда кызды узаткан видеосу тарады (видео)

Социалдык тармактарда үч эркектин комуз, аккордеон менен кызды коштоп ырдаган видеосу тарады. Анда эки жигит комузда, бир жигит аккордеондо кол ойнотуп, кыз-балага илгертен айтылып келген насаат кептерди айтып ырдаганын көрүүгө болот. Ырчы жигиттердин артында жоолукчан бир нече кыздар ээрчип барышат. Окуя Кытайдагы кыргыздарда болушу мүмкүндүгү айтылат. Аталган видео коомчулукта кызыгуу жаратып, арасында кыргыздар «Жар-Жардын» кадырын түшүрүп салды деп сындагандар бар. «Бизде турмушка чыкканы деле, ажырашканы деле, турмушка чыга элеги деле «ашмалтайын» чыгарып айта беришет», — дешет айрымдары.