Премьер-министрдин милдетин аткаруучу Артем Новиков Нарын облусундагы иш сапарынын алкагында өкмөттүн аталган дубандагы ыйгарым укуктуу өкүлү, Нарын шаарынын мэри, райондук жана облустук мамлекеттик мекемелердин жетекчилери менен кеңешме өткөрдү.
«Жакынкы мезгилде жугуштуу оорулар бөлүмүнүн курулушу жыйынтыкталат деп ишенебиз. Курулуш иштерин каржылоо жаатында финансылык кыйынчылыктар бар. Бул маселе өкмөт тарабынан иштелип чыгат. Күн тартибиндеги экинчи маанилүү маселе – бул кыш мезгилин электр энергетикасындагы эч кандай үзгүлтүксүз өтүү, жер-жерлердеги калкты отун менен тийиштүү камсыздоо болуп саналат», — деди Новиков.
Нарын шаарындагы оорукананын жугуштуу оорулар бөлүмүнүн жаңы имараты 70 орунга ылайыкталган жана жаңы имараттын курулушу 92 пайызга бүткөн.
Премьер-министрдин милдетин аткаруучу белгилегендей, облуста дары-дармектердин баасын мониторингдөө жүргүзүлөт, зарыл болгон учурда аймакка медикаменттердин кошумча партиясы жеткирилет.
Кеңешменин жыйынтыгы боюнча жергиликтүү бийлик органдарына бир катар тапшырмалар берилди.
