Нарын облусунан жоголгон мектеп окуучусу Айтурган Садыкова Бишкек шаарынан табылды. Бул тууралуу Ички иштер министрлигинин басма сөз кызматынан билдиришти.
СЕРЕП МЕДИА маалымат агенттигине кечээ, 7-июнда кыздын жакындары кайрылып, 6-июнда 11 жаштагы кыз Кочкор районундагы үйүнөн чыгып кеткен боюнча, дайынсыз болуп жатканын айтышкан эле. Жакындары аны жарандар Бишкек шаарындагы автовокзалдан көрүшкөнүн билдиришкен.
Бүгүн, 8-июнда ал Батыш автобекетинин жанынан табылып, борбордун Биринчи Май районунун ички иштер башкармалыгына жеткирилди. Анын ата-энеси дагы Бишкекте.