Социалдык тармактарда Ноокаттагы улак тартыштан видео тараган. Окуя боюнча Ош ОИИБден маалымат беришти.
“6-апрель күнү Ноокат районунун Жаны-Ноокат айыл аймагында жайгашкан ат майданында болуп өткөн улак тартышта улакчылар ат майдандын сыртына улак тартышып чыгып кеткен.
Кесепетинен соода кылуу үчүн улак болуп жаткан жерге унаасын жакын токтоткон 2 жарандын унаасы зыянга учурап, ээлерине материалдык зыян келтирилген.
Аталган факты Ноокат райондук ички иштер бөлүмүнө каттоого алынган. Автоунаанын ээлери арыз жазуудан баш тарткан. Болуп өткөн улак тартышта жабыркагандар жок”,— деп айтылат маалыматта.
