2022-жылдын 1-январынан тарта Өзгөчө кырдаалдар министрлигинин кызматкерлеринин маянасы 50 пайызга жогорулайт. Бул тууралуу ӨКМдин каржылоо бөлүмүнүн башчысы Анаргүл Нурмамбетова 20-октябрда маалымат жыйында билдирди.
Анын айтымында, акыркы жолу Өзгөчө кырдаалдар министрлигинин кызматкерлеринин маянасы 2014-жылы көтөрүлгөн. «Эгерде бөлүм башчы азыр 12 миң сом алса, эми ал 20-21 миң сом алат. Улук офицерлердин айлыгы 8900 сом, ал эми бөлүмдүн кызматкерлери 8600 сом болсо, эми алар 13000-13,300 сом алышат»,— деди Анаргүл Нурмамбетова.