ӨКМ эскертет: Унаа жолдордо таш кулоо, сел жүрүү кооптуулугу күтүлүп жатат

Айрыкча Баткен облусунун Лейлек, Кадамжай райондорунда, Жалал-Абад облусунун Сузак, Базар-Коргон, Ноокен, Аксы, Ала-Бука жана Токтогул райондорунда, Ош облусунун Өзгөн, Ноокат, Алай, Чоң-Алай жана Кара-Суу райондорунда, Ысык-Көл облусунун Ак-Суу, Жети-Өгүз, Ысык-Көл, Түп жана Тоң райондорунда, Чүй облусунун Сокулук, Аламүдүн, Ысык-Ата жана Кемин райондорунда, Нарын облусунун Жумгал, Ат-Башы жана Нарын райондорунда, Талас облусунун Кара-Буура, Бакай-Ата жана Талас райондорунун аймактарында сел жүрүшү жана унаа жолдордо таш кулоо активдешүүсү мүмкүн.

— Бишкек-Ош унаа жолунун 285, 342-348, 358-362, 400, 411-426-чакырымдарында;

— Ош – Сары-Таш – Эркечтам унаа жолунун 64-65, 68-70, 78-80, 100, 106, 121-124, 133-чакырымдарында;

— Бишкек-Балыкчы (Боом капчыгайы) унаа жолунун 112-128-чакырымдарында;

— Балыкчы-Бөкөнбаев унаа жолунун 64-117-чакырымында;

— Талды-Суу – Арал унаа жолунун 4-5-чакырымында;

— Ош-Исфана унаа жолунун 64-78, 125-138, 149-190-чакырымында;

— Мырза-Аке – Кара-Шоро унаа жолунун 18-28, 32-37, 44-56-чакырымында;

— Кербен – Ала-Бука – Каныш-Кыя унаа жолунун 2-4, 12-13, 22-24-чакырымында сел жана таш кулоо процесстери активдешет.

Республика жарандарын жана айдоочуларды этият болууга жана коопсуздук чараларын сактоого чакырабыз. Өзгөчө кырдаалга кабылганда 112 кызматына чалыңыз. Чалуу акысыз жана күндүр-түндүр кабыл алынат.