Ош облусунун Ноокат районунунда куткаруучулар тарабынан сел суусу кирген жалпы 28 турак үй сел калдыктарынан толугу менен тазаланып бүткөрүлдү. Бул тууралуу ӨКМден маалымдашты.
Учурда райондун Кулатов айыл аймагынын Абшыр-Ата айылында ӨКМдин 9 техникасы, Исанов айыл аймагынын Теске-Кожоке айылында 3 техника, Көк-Жар айыл аймагынын Ак-Өтөк айылында 2 техника тартылып, сел калдыктарынан тазалоо жана калыбына келтирүү жумуштарын жүргүзүлүүдө. Мындан сырткары N37 ишканасынын 4 техникасы менен жолдорду калыбына келтирүү жумушу жүрүүдө. Жеринде кырдаалды Өзгөчө кырдаалдар министринин орун басарлары Акылбек Мазврипов жана Эделбек Кулматов координациялоодо.