«Ордо» саясий партиясынын штабында жашыруун камера жана тыңшоочу жабдык табылды. Бул тууралуу аталган партиянын соцтармактагы баракчасында жарыяланды.
PR бөлүмүнүн башчысы Мирлан Мамытовдун айтымында, тыңшоо жүрүп жатканы 3-ноябрда аныкталган жана буга катардагы радио жардам берген. «Бизде приемник бар, анда тоскоолдуктар пайда болду. Кийин кеңсени текшере баштадык, плинтустан иштеген аппаратты таптык», — деди ал.
Мамытов белгилегендей, алардын кеңсеси жаңы жана аны шайлоо үчүн ижарага алышкан. Ал жерде түнкүсүн күзөтчүлөр жок.
