Орусияда бийиктиктен кулап каза болгон Кыргыз жаранынын сөөгү бүгүн мекенине жөнөтүлөт. Бул тууралуу Кыргыз өлкөсүнүн Орусиядагы элчилигинен билдиришти.
Маалыматка караганда, Санкт-Петербург шаарында иштеп жүргөн 31 жаштагы Кыргыз жараны 22-майда бийиктиктен кулап каза болгон. Учурда тийиштүү органдар тарабынан өлүмдүн жагдайлары иликтенүүдө. «Сөөктү алып кетүүгө уруксат берилип, 25-майда Санкт-Петербург – Ош аба каттамы менен Кыргызстанга жөнөтүлөт. Ага кеткен чыгымдарды жабуу үчүн кенемте алууга маркумдун жакындарына кеп-кеңештер берилди», — деп айтылат билдирүүдө.
Кечээ, 24-майда Орусиянын ЖМКлары Санкт-Петербургда жайгашкан жатаканалардын биринин терезесинин жанынан короо шыпыргыч болуп эмгектенген Кыргыз жаранынын жансыз денеси табылгандыгы тууралуу жазышкан эле.