Социалдык тармактарда Орусиядагы кыргызстандык мигранттар Орусияда жашаган мекендештерин сойкулук менен алектенбөөнү талап кылган видео пайда болду.
Видеодо эркек кишилер Москвада кыргыздын жеңил ойлуу аялдары көбөйүп жатканын айтышат. «Алардын айынан биз башыбызды бийик көтөрүп баса албай калдык. Ошондуктан биз эскертүү беребиз. Сойкулук менен алектенген кыргызстандык кыз-келиндерди видеого тартып, социалдык тармактарга жайгаштырабыз», — деди алардын бири.
Жарандардын тобу кайрылган видео боюнча Ички иштер министрлиги маалымат таратып, тактоо иштерин жүргүзүп жатканын билдиришти. Ошондой эле толук маалымат берилерин убадалашты.