5-октябрда саат 12:00 чамасында Ош ШИИБге кабар түшкөн. Анда Ош шаарынын Шамшиев көчөсүндө курулуп жаткан көп кабаттуу үйдөн жаран кулап кеткени маалымдалган.
Окуя болгон жерге милиция барып, 10-кабаттан кулаган 2008-жылы туулган жаран Өзгөндүн тургуну жана ОшМУнун финансы жана кредит колледжинин студентинин жансыз денесин табышкан. Ал курулуш калдыктарын чогултуп жатып, 10-кабаттан түшүп кеткен. Тергөө уланууда. «Жумушка кантип кирген, эмне үчүн жашы жете элек өспүрүм иштеп жаткан текшерилет»,— дешти.