Ошто аюу кол салып өлтүргөн чек арачынын эжеси Миргүл Рыскулова маркумдун кичинекей кызына кенемте жана жөлөк пул сурады. Бул тууралуу жергиликтүү ЖМКлар жазып чыгышты.
Маалыматка караганда, 9-сентябрда Башкы прокурор Курманкул Зулушев менен Министрлер кабинетинин төрагасынын орун басары Бакыт Төрөбаев өкүлчүлүк манен биргеликте Чоң-Алай районунунун жашоочулары менен жолугушкан. «Анын артында 9 айлык кызы калган. Ал 18 жашка чыкканга чейин жөлөк пул төлөнгүдөй кылып жана кенемте төлөп берүүнү суранам»,- деди эжеси.
Чек ара кызматынын өкүлү бул боюнча комиссия иш алып барып жатканын айткан. Ошондой эле кенемте маселеси чечилерин убадалашкан.
19-июлда Ош облусунун Чоң-Алай районунун Түштүк-Бөкбашы тилкесинде мамлекеттик чек араны кайтарып жүргөн 1992-жылы туулган аскерге аюу кол салган. Кесепетинен аскер оор жаракат алган. Биринчи медициналык жардам көрсөтүлгөнүнө карабастан сержант каза болгон.